Мерапрыемства сабрала ініцыятыўных педагогаў з усёй рэспублікі.

У межах фестывалю былі арганізаваны некалькі дзясяткаў майстар-класаў, на якіх разглядваліся тэхналогія перавернутага ўрока, актыўная ацэнка, змяшанае навучанне, гейміфікацыя і інш.

Настаўніца англійскай мовы гімназіі № 41 Мінска Алеся Сарашэўская падзялілася найбольш эфектыўнымі метадамі і прыёмамі работы па фарміраванні камунікатыўных кампетэнцый школьнікаў. Педагог выкарыстоўвае сінгапурскую методыку, тэхналогію развіцця крытычнага мыслення.

Настаўніца хіміі гімназіі № 2 Пінска Брэсцкай вобласці Галіна Купрыянчык правяла майстар-клас па тэме “Скетчноўтынг як прадуктыўная стратэгія навучання на ўроках хіміі”. Яго ўдзельнікі навучыліся складаць скетчы.

Намеснік дырэктара па вучэбнай рабоце сярэдняй школы № 36 Мінска Вераніка Юхноўская прадэманстравала прадуктыўныя формы работы з бацькамі, расказаўшы пра дзейнасць бацькоўскага клуба.